Bremer Chronike. Abschrift und Fortsetzung der Chronik von Rynesberch, Schene und Hemeling durch Arndt Sparenberch (1550). Abschrift des 16. Jahrhunderts. Fortsetzung bis 1547

[...]^{aFußnote a[Unleserlich]} 95

ARCHIVUM BREMENSE * Bremer· Chronike ≈ f i f f s f f a f Ministerium. Thoma' Ac [...]^{aFußnote aherausgeschnittenes Loch im Papier}

[Abbildung: Karl der Große in Plattenrüstung und mit Bügelkrone steht auf einer Erdkugel; er hält ein geschultertes Schwert und einen Schild mit drei Lilien (2:1) auf hellem Grund.]

1

Gedicht: Karl der Große

Carolus magnus secht Cadaver ejus Aquisistani in Basilica Dominae mariæ virginis a si extructa sepultūm ēst cum hoc elogio: Sub hoc conditorio situm ēst corpus Caroli magni, atque orthodoxi Imperatoris, qui regnum Francorum nobiliter ampliavit & per annos 46 feliciter tonuit. Decessit Septuagenarius Anno 814. Indictione 7. 5. Calend. Februarij.^{aFußnote aLateinischer Nachtrag von späterer Hand.} Carolus de grothe binn ick genant ein weldich koninck auer vele lant vann dudeschenn blode gar hochgebarn Dar tho hefft godt mÿ vth erkarenn Sin loff tho bryngen jn Sassen landt dar sin name was vor vnbekandt vele stride heb ick gar konlick gedaen dat ick mynen finden moth wedderstan dorch franckrick spannigē un̄ dudtz lant Beth ick se brochte vnder Myne handt be duanck ick gansze jtalier landt Jegen de lumberters ick dar jn quam denn koninck ge vangenn, ore lant vorhert dar dorch Myn Rycke gans grodt gemerth bynnen Rome byn ick thom keyszer karnn welck jck velleuer doch hadde enthbarenn de Romesche kerckenn heb ick hoch erheuenn welck Constantinus falschlick werth tho geschreuen de jck midt Romāndiola begaueth vnbedacht dar vth gefolgeth is ore grothe Macht Minenn krich jck jegen de Hunen forde so lange dat jck se gantz vor storde de greckeschenn keyszer hebben myne mocht gemedē de perszinger midt gauen myne frundtschop gebeden aprica was vor my vor ferth wo woll Jck nene fromde hulpe begerde gar mennigen krich hebbe ick gefordt vnde mennigen swaren figendt gespordt auerst jck fandt nicht der Sassen gelick doch dancke ick ick godt van hem̄elrick dat ick thom lesten hebbe vollenbracht dar na myne vorfader so lange getrachteth de Sasse vor wonnen midt stridbarheit dar na bewagen midt myner gudicheit dat se sick tho gade hebben bekerdt dorch syn godtlicke ricke vormerdt hebbe se van allen tributhe fryg gegeuenn vp dat se wolden jn gades fruchten leuenn midt wedekindt orē eddelen Forsten gudt dat he leth sincken synenn Modt Mynes rickes jndt 46, mines olders jndt 72 jar Stherff ick vnd bin tho acken begrauen vor war

1

[BILD WILLEHAD]

2

Gedicht: Willehad

S. wilhadus secht Wilhadus de Erste bischop in dusser stat gans vele ick godt almechtich badt Dath ick de sassen doch mochte bekeren dar vth myne olderenn gesprathen weren wenthe Jck bin gebaren eyn Engelszman dar de historigen sprecken vann Dat se syndt vann den Sassenn kamenn de koninck wortegern jnt Ricke genamen midt hertoch hinxte dem vader siner frowenn dat sine figende scholden ore macht schowenn hefft one dat landt jndt erste geschencket Na ist geluck hell thon Sassen gelencket dat se de ganszenn Kronenn sindt auer kamenn leden dall den olden britanisschen Namenn den Engelschen Namen wedder vp gerichtet de geborth is disse merckliche schicht dat de Sassen hir erst sindt afgebaren Js by verde halff hundert vnde souenn jar er de kercke tho Bremen warth gestichtet de van koninck karell is tho gerichtet Na gades geborth .788. jar grodt arbeith dede ick hir vor war midt wanderenn prediken vn jenigebede na rechter apostolischer sede wedekindt hefft my grodt vorfolch gedaenn doch hefft My godt noch nie vorlaenn myner jungeren hefft he vele vmme gebracht Beth dat idt godt hefft anders gemacht vnde gehulpenn koninck karell den Eddelen hern mydt sege vmb dit landt tho bekerenn De Sassen hefft he midt stride vor wonnenn dar na midt anderenn wapen begunnenn midt gude vnd lindicheit dat folck tho frede brochte gefrieth gehandthauet nichts vp gelecht behaluenn tho vnder holdenn de dener des herenn den se alle scholden jn den regeden tho kerenn dar vp he jn Sassenn vele kercken funderth dat gades worth jo recht worde gelerdt de frigenn kunsten mochten vnder holden werden dorch Mesters de de vor geues lerdenn Mine broder hebb ick 2 jar 18 wecken regerth vnd tho blexen godt Midt myner Marther geerth 2

Vorrede an den Leser

Vorrede an den leser Dith bock het Cronica ciuitatis bremenfis, vnd vmme des geme nenn bestenn, so hebbe wi herb erth schene, Keller thom dome vnde Canonicus der kerckenn To Bremenn, S anscharÿ vnd gerth Reinesberch vicarius thom dome dith bock gemacket vnd vth velenn anderen cronicen preuelegenn, vnde olden bockenn tho samende gethagenn, vnd is rorende vann allenn bisschopenn de tho Bremenn vnd ock van Ichtes welckenn anderenn grothenn sackenn, vnd menn schall wethenn dat wy dith bock Erstenn begunnnen vth deme lathine jn dat dudeske tho bryngenn, do bath vns enn gudt frundt, wenn wy dat bock haddenn thom ende gebracht, dat wy denn de anderen byschope, der wy altho male woll denckenn ock ore leuendt woldenn schriuenn, vnd bath vns do vorth vmme leue wyllenn der Stadt Bremen, vnd des gemenenn bestenn dat wy de grothenn kryge vnd Mannigerleige vp rore vnd grothe schetlike geschichte der wy vns dachten, woldenn klarlickenn vth druckenn vnd schriuenn, vp dat de Sthadt van Bremenn, dar mochte eine lere vnd vorbilde vth nemenn, dat sze sulcken grothenn, vordarfflikenn schadenn tho ewigenn dagenn mer mogenn schriuen vnde men schall dar tho vnser selenn vnd tho vnser ere senn dat wy dat alder enckedes hebbenn geschreuenn mydt korthenn wordenn, dat jn dissen schichten geschen is vnd byddenn vmme godt, vnde des gemenen bestenn willenn, des ganszenn stifftes vnd der stadt van bremenn all de dith bock hefft, wanner en bisschop is, dat se den schriuenn sin leuenth, vnd ock mede schadenn vnd framen, den de stadt by des bisschopes

3

· 3 ·

thidenn gedann offte namenn hefft dat is beide nutthe, So mach menn sick na dem framenn Rychtenn vnd vor denn schadenn mer bewaren vnd woll dith Bock leff hefft vnd gerne lest de bidde vor uns vnd dar tho vor enen gudenn frundt, de hir kost vnde arbeidt anne hefft Datum Bremenn anno · 1446 · [Zeichnung von zwei Wappenschilden, davon das untere leer]

Jn dem iare vnses herenn Jhesu Christi Do menn schreff · 788 · jn der 12 judictien jm 21 jar Carolÿ des grothenn Keysers etc do worth gefunderth de hillige kercke tho Bremen, dusse Korolus be dwanck by na gansze Europam, vnd brachte de Sassenn mydt velenn stridenn tho denn Cristenn gelouen welckere krich durde · 33 · jar lanck, des de Franckeskenn historienn noch woll inge dencke sin wenthe szo vackenn alszo de Sassen wedder affellenn, wo woll se gelouenn tho holdenn lauedenn, is vnthellick, so lange dat sick ore forste wedekindt anno · 785 · tho sathe gaff vnd Cristen wordt vnd alle de Sassenn sick dopenn leten weinich vth genamenn Do nu de krich gestillet was, do sande Carolus tho dem Folcke dat he bekerdt hadde vnd beduanck predikers de ene den Cristen gelouen lerde, Tom erstenn sande he dar S Bonifacius den Erstenn Ertzebischop vnd· 17 · bischop tho Mens, de sulue Bonifacius was gebarenn vth Engelant vann koninck lickenn geslechte, vnde hete tho forenn er he Ertszebischop warth, vnnefridus, de worth van den Forstenn de he bekerdenn wolde gemartherth Anno · 755 · Dar na sende he dar vele andere thom lesten sende he dar ock S. wilhadum tho bekerenge des volkes // De sulue Wilhadus was de Erste de de Sassen by der szee, vnd auer der Elue thom Cristen ge louenn brochte, vormyddelst der dope bekende Men lest dat he sy vth Engelandt gekamenn dat he den gelouenn Cristi Manck den heidenn planthenn vnd lerenn Mochte, vnd hebbe vele

4

·4·

agnst vnd nodt, vmme siner lere willenn mothe, gelick als dat . S . Anscharius sin verde na volger de verde bisschop tho Bremenn klarlick hefft be schreuenn jn deme bocke synes leuendes. Wede kindt was denn Cristenn, vnd den Keiser so ffiendt, dat he alle de cristenn de he auer quam vmme brochte vnd dodede, ock vann wilhades jungerenn, vele henn vnd wedder jn freslandt dat eme S wilhadus kume endt quam vnd thoch na Rome://:

Willehad (787-789) - 1. Bischof

Wilhadus de Erse bischop tho Bremen Na deme Nu de hillige karcke tho Bremenn geffunderth, vnd wilha dus sick erer dorch bede willenn Caroli Mangni ann nam, regerde he · 2 · jar 3 manthe vnd 26 dage, vnde hadde tho voren er he bisschop worth, den fresenn vnd Sassenn woll · 35 · jar na dem martelerenn · S Bonifacij gepredeket vnd starff oldt vnd vull van jaren jnn fresz landt tho Blexenn, jn dem dorpe jn Rustringenn, dar he vann den freszenn worth ge marthelth, vmme des Cristenn gelouen willenn Anno · 790 · sin ligam worth geforeth de wesser vp tho Bremen vnd begrauen jn de kercken S· pethers de he suluenn hadde buweth lathenn synn dach warth gefireth 6 jdes Nouenbrem

Do sick S · wilhadus de kerckenn tho Bremenn dorch bede Caroli Magni vnder wandt, szo bath he thom Erstenn denn Ceiser vmmbb gewisse landt wer sines stichtes, alszo dusse na volgende breff vthwiset Jn dem namenn vnses herenn vnd salichmackers Jesu Cristi, Carolus vann godts gnaden koninck etc na deme male wy jn den krich midt godts hulpe de victorij erlangeth hebbenn, Rome wy uns des jn eynē vortruwenth genslick, wy werden dar vm̄e jn disser welth, frede vnd gelucke, vnd hir namals ewige beloninge enthfangenn der haluenn si kundt vnde apennbar, Allenn Cristenn, dat wy de Sassē welckere vnse olderenn nicht hebben konenn beduyngē dorch godts krafft midt stride hebben auerwonnenn vnde tho der dope gebracht, so vann allen trybudte vnd schatte los vnd freyg gegeuenn, dorch dessuluenn leste de vns de victorienn mildichlickenn vorlendt hefft, deme wi se hebbenn vnder worpen, alszo dat se de dach gades gnadenn auer wonnensindt, eme vnde sine presterenn, vann alle orē fruchtenn vnd bestenn, beide rick vnd arm, denn regedenn geuenn de wile se sick vnder vnse gewalth vnde Regementhe nicht hebbenn willen geuē Der haluenn hebbe wy dat landt, na der oldenn romer gewanheith jn prouincienn gedeleth, vnd denn bisschop midt enckedenn landt werenn vth gedeleth den Norder dell des landes, de van visscherige auerflodich, vnd kop vehe tho holdenn bequemelick is, hebbe wi Cristen vnde syner apostelenn ouerstenn · S · petro tho dancke sagen ge offerth, vnd eme enē bischoplikenn stoll vp gerichtet, vp dem wesser strome, jn den ordt landes wigmot, Jnn der stede Bremenn genanth, disse kerckenn · 70 · houe vnde dorper gegeuenn, vnd alszo bestelleth vnd bevestigeth, dat de suluenn lude orenn predikerenn

vnd der kerckenn, den tegedenn troulick̄ schallenn geuē dar en bauenn hebbe wij de suluen kerckenn dorch autoritatē

5

5

hadriani pawestes, lullonis bisschop tho Mentz vnd aller forstenn de dar jegenn wordich werenn, midt alle orer tho behoringe wilhado, de ens erlikenn vnd redeliken wandels is, vor gade vnd sine hilligenn beualenn, den wy ock thom erstenn bisschope dessuluenn stiftes hebbenn wienn lathenn den 13. dach juli dat he dat volck midt godts worth na siner hochbegauedenn wisheit truwelikenn vorstann vnd dusse nien kerckenn midt hilliger pauestliker mannere anrichtende flitichgen regere vnd voede beth dat godt dorch [...]^{aFußnote a[Unleserlich]} vorbede siner hilligenn se vormere, furder so hefft vns de Erwerdige here wilhadus kundt gedaenn dat der kerckennn vorgemelthe krigeslude vnde knechte gades, de wy dar vor ordenth, vme der fiende anlopinge willenn, edder manniger leige tho falle nicht konde vnder holdenn werden, dorch so klenenn orth landes, Derhaluenn, de wile den godt allmechtich siner gnade dar den fresenn so woll allszo den sassenn geopenth hefft, So geue wÿ tho der kerckenn den orth fresz landt de bÿ denn Nigenn stychte gelegenn is, S · wylhado vnde sinenn Na volgerenn ewychliche tho besittenn de vnde na deme malle wy nu ithlicke tidt her sindt vor sichtich gemaket, vnd dorch Mannige tho falle gelereth, vp dat denn Nemandt sich jeniger leyge gewalth jn dem stichte anneme, so willen wy dat sulue stichte midt gewissenn landt tekenn alszo affgedeleth vnde gemercket hebben ://:

De See de Elue . lienn, Stenbecke, hasell, win mercke, Sueilbeke, osten, Molenbecke, Sige, freidesmoer, aschbrock, wischbrock Biuerenn vterenn, vnd wedder vp de ostenn tho denn More Kaldenbecke, dar na dat sulue mor auer wenthe tho der wommenn, van der wommen na Bithin, farsten, wenthe vp de wesser, van dem osten des suluenn stromes, dorch de her strathenn hessewech genandt, na Storinger, loergoe, Schbasenn vnd alepenn, van Koldehoren schedende, vnd wedder tho der wesser, van den westen des stromes, dorch de herstrathe, folckweg genandt, den de jnwa ner des landes wildhol nomende, de schedet finelenn

6

waldeszmohr, breckpoll, dat mor Eldenred, Emesgor vnde ostergor, vann Brudhol, Biuerlach, wedder ande szee, de suluenn landt were hebbe wy alszo beschreuenn vp dat de suluenn beschreuenn orth landes, tho vnsenn vnde vnser nafolgers tidenn, dorch gades hulpe, mogen vnvorbrackenn bliuenn, hebbe wy dat midt vnser egen handt geschreuenn, vnd midt vnsen segell befestigeth begunnēn gegeuen den · 14 · Julij Anno domini · 788 · vnses rickes jm 21 vullenthagenn tho Spir

Hilleboldus archieps colonies, & sacri palatij Capellany eccoh noiij Ock so bath wilhadus den keyser vme freyheit der Stadt vann Bremenn de ome de keiser gaff, dar ock . S · Wilhadus enen apenn besegelden breff vp nam, den de Stadt jn bewaringe heft vnd is oltheit haluen ens vor nieth, vann velenn herenn, Ock bath· S · wilhadus dusse na volgende freyheith vann Carlo ://:

Wanner en Bisschop tho Bremenn gekarenn is den De pawest dat stifte geuenn hefft, so is de keiszer oftee Romesche Koninck des plichtich, dat he dem Bischop midt siner Regalionn de stadt vnd dat stift vorth frie, welckere freyheit, he vann den keyszer entfangenn hefft, vnd szo entfangeth den de stadt de freyheit van den Bischope wedder vnd de bisschop hefft Richte vnde Munthe jn der stadt

Wilhadus krech ock vann Carlo de freigheit dat de borger vann Bremenn sinth tollenn freÿ tho allen stichtes slothenn vnd tollenn, ock erlangede he den Rolandt vann eme de vp den marckede steidt, tho enen frey theckenn

6

Willerich (805 bis 838) - 2. Bischof

Willericus volgede · S · wilhado in dem bischopdomme, he was einer vann denn discipulenn wilhadus vnde Canonicus tho Bremenn, eyn godt fruchtich mann, vnde strenge lerer, des gelouens ann cristum, dem gaff Carolus de Regalia he regerde de kerckenn, de noch swack jm louenn was · 50 · jar

Jn siner tidt was de kercke · 12 · jar sunder Regimente vmme de Sassenn vnd be willenn, de sick nicht woldenn regerenn lathenn midt bisschopliken rechte

De hadelers worpenn sick jegenn den keiser wedder vp, vnd vorlethenn sick vp ore waterige sick landt, vnd mende, de keiser worde nene perde vnd krige rustinge jnt landt bringenn doruenn, Auerst de keyser leth sick nenes arbeides vnd flithes vorden tho gerustet jndt landt by de zee dar schloch he sinn leger vp, vnd be dwanck de heidenn wedder, de stede dar he do lach, het noch vp dussen dach Carolus sandt

Anno · 798 · wordenn de Nordalbingenn vp rorsc vnde dodedenn des keiser vogede vnd houeth lude, de he dar ge settet hadde, vnd thogenn jegenn de wendenn, de des keysers bunth ge nothenn werenn auerst der wendenn houeth mann Trasico, ene endt jegenn, vnd sloch vann ene 4000 mann alsze de keyser nu jegenn de Nordalbingen thenn worth he vme hulpe angeropenn van den pawest.

Anno · 804 · als de keiser gans Sassenn tho frede brocht hadde vnde ene de nordtdalbinge allene wedder stundenn, vnd mackedenn dachlickes en nige vprore jegenn dem keiser, do worth de keyser orer auer drathich sande synn her jegenn se, vnd ledt · 10000 · van en beide, midt wiff vnd kinderenn wech forenn jm franck rick vnd gaff ore dorper de wendenn ///

7

Jn der tidt settede keiser Carell dat men tho hamborch ene karckenn scholde buwenn, vnd wolde dar vp richten ein Ertzse stifte, dar de bisschodomme jn Swedenn denne marckenn, Norwegenn Gronlandt, Islanth vnd wendt lande scholdenn vnder belegenn synn, vnd de lude dar als vann orer houeth kerckenn gelerth mochte werdenn, Auerst des Rickes geschefte hinderde idt eme, dat he dat werck nicht fullen brachte, sunde he settede dar allene · 12 · presters, Manck welckenn Eridagus de vor nemeste was, de dat Ertze stifte regeren scholden so lange dat he mer bequemheit vnd tidt krege, dat warck tho fullenn bringenn, Do quemenn de wenden vor stordenn vnd vor brandenn hamborch vnd vor jage denn des keisers vageth, den de keiser dar gesetteth hadde, auerst de keiser leth de Stadt wedde vp buwenn

Jn dem · 24 · jare willerici, starff keiser Carolus dem volgede sin sone ludowicus jm keyser domme na, de beuoell de prouincien auer der Elue deme Bischope willerico tho Bremenn, vnd den bischop tho verdenn, Disse willericus nam den ligam · S · wilhadus, vth · S. pethers kerckenn, vnd besluch ene jn einen bede husz jndt sudenn des domes, welcker he suluenn leth mackenn, dat dede he vmme fruchte willen der Zerouers, de dar na stundenn, dat se den ligam · S. wilhadus woldenn endtforenn vme der grothen mirakule willenn, de he dede alszo mesecht, jn der stedenn rouwende, he wol · 70 · jar, wenthe tho S · anscharius tidenn://:

Jn 33 jar willerici stichtede ludouicus Ceser, jn Sassen nige Coruey, jm lande tho brunswick, am soldinge jegenn hoxster gelegenn auer der wesser, vnd sammelde dar jn de alder gestlickeste moncke vth franckrick vnder welckenn · S · Anscharius do noch eyn junggeselle, de vor nemeste was, jn dussenn jare begunde, hertoch wigbertus vann Engernn vnd Sassenn wildeshusenn jn den stichte Bremen tho buwende, dat syn sone harthoc walbert vullen brachte, tho toch vth andacht na Rome vnd brachte mede den licham S Alexandii martiris, hartoch wolberts moder Sindaalda genanth, was van harthoc Rabodes slechte vann

7

freslandt, sin broder harthoc Bruno nam eine Forstinne vann Beigerenn, Susanna genanth, dar midt thugede he hartoch ludolph, de na walberto hartoch worth jn Engern vnd Sassenn, wenthe walbertus leth nene menlicke erven na

Willericus warde dat ampt eines rechten herdenn, vnd stichtede jn sinenn stichte vele Closters vnd karckenn, dar he godtfruchtige lude jn settede, de dat volck lerden he vor warff der karckenn tho Bremen grothe erfnisse, vnd brochte vth franckrick den licham · S · Maternia jn tho Bremen

Dar na do willericus de karckenn tho Bremenn· 50 jar hadde geregerth, do starff he olt vnd full van jare, vnd warth in Sante peters munster tho Bremenn begrauenn

Leuderich (838 bis 845) - 3. Bischof

Luidericus de drudde Bischop tho Bremen sadt 8 jar, dat was ein houerdich Mann tho einer tidt vordreff he vann Bremenn Sunthe anscharium, wenthe he hatede sine lere, vnd dar na sterff luidericus, vnd warth jn · S · pethers Munster begrauen 9 Calend Septemb

Do stundt de kercke tho Bremen lange jar sunder bischop

Anno 824. begunde hertog Wigbertus van Engern, Wedekindus Sonn, Wildeshusen tho ^{aFußnote a[Unleserlich]}buende im stiffte Bremen, welkes sin sonne Wolbertus fullenbrochte, darsuluest helt Keiser Otto 3 ein tidtlanck hoff, by Bischup

[...]^{bFußnote b[Unleserlich]}eldags tidenn

Anno 824 den 15 genamenn, vth dem Closter tho Corueÿ

vp dat he sines vaders Caroli willenn vorfullede, vnd settede ene tho einem Ertze bischope tho hamborch, begauede vnd sin stifte midt preuelegenn, vnde [Rand: Anno 834 den 15 Maij richtede Keiser [...]] [Rand: [...] Norwegen, [...] landt, Islandt [...], vnd alle] Ertzestiftes freiheit, doch stundenn en de heidenn denn gelouenn nicht annemenn, alszo hardt bleuen vp koppe se Anno vth franck rick, van den Ertze vp

Ansgar (848 bis 865) - 4. Bischof

Anscharius wart vann Keiser ladewick · endtjegenn so se best kondenn vnd wolde :nn 835 · quam Eppo ein Ertze Bischop Remensis bischopdomme voriaget en orenn koppe//: dorch ludowieun p, dar vmme dat he der anrogers en was, de dat vp ror makede, dat lotarius sin vader keiser ladewick finck als he nu vordreuenn was, quam he tho S · anscharius tho hamborch, de sulue sach dat idt enn framer Mann was dar vmme settede he en tho einem bischop tho hildensenn//:

Anno · 840 · als keiser ladewick was gestoruenn, krigede sin sones vme ores vaders erue, jn dissenn vnfrede endt breckenn de denenn orenn tribudt tho geuen thogenn alszo allenth haluenn jn dat Ricke, vnd vor doruenn wath se auer quemenn. De fresenn make denn se sick tinsbar, dar vmme dat haraldus den se vor enenn figent heldenn, wenthe haraldus was beuorenn thom koninge auer dennemarkenn gesetteth vann idtlicke de worth vann der wedder partie vor jageth, do toch he thom keiszer, na Mens, leth sick dopenn, vnd vor bandt sick midt denn keiszer, midt welcken hulpenn he wollgerust jn judtlandt toch 8

[Abbildung: Wappenschild mit zwei gekreuzten Schlüsseln (Bremer Ladewick bzw. Petrus-Schlüssel), umgeben von Zierschwüngen, Federzeichnung ohne Farbe [....] tho]

8

4

Als de denen nu alszo allendt haluenn vmme her ſweueden ſchepedenn sze vppe denn Rin henn vnde beleden, Collenn dar sze ene tidt lanck vor liggenn, Do ſze nu wedder na hus togen ſze dorch dat landt tho heſſen vnde Brunſwick na der elue tho vnde beleden Hamborch, welckes ſze ock wonnen vnd breckenn den nigenn doem jn de grundt dall, alſzo dat dat ſtyfte vnd ſtadt van hamborch gar vor ſoreth wordt, S· anſcharius vnd ſine diſſipulenn, dat hillige doem tho ſamende kume kregenn, vnd allſus vor ſchuchtert, dat idt lange vor ſtordt lach, thom leſtenn warth do endt farmende den myldenn keyſzer ludowick de vor gencklickeit der kerckenn tho hamborch, vnd nam van dar den Erwerdigenn herenn Anſcharium, vnd ſettede eme tho enen Ertzebiſchop tho Bremenn midt ſulborde der Canonekenn dar ſuluest etc ://:

Hir warth Bremenn Enn Ertzeſtift Dar na ſande ludowicus legathenn na Rome, de woruen ene ewige, der karckenn tho Bremenn vnd hamborch, gelick alszo de preueleia, szo dar vp gegeuenn vth wiszeth S · anſcharius viſitende vp de einen tidt, de nordt dalbinge dat ſindt de auer de elueſchenn, alſzo holſtenn, Stormer, vnd dethmerſchenn, vnde bekerde einen grothenn deell volckes tho dem Criſtenn gelouenn, vnd dofte ock den koninck vann Dennemarckenn, he buwede de kercken vann Sleſwick thom erſtenn, he buwede des Conuente karckenn tho Rameſlo jm ſtichte tho verdenn, vnd Buwede dath junck frowe kloſter tho Barſſenn, dar na buwede he dat gaſt hus bynnen bremenn, dar men de ſeckenn jnne laueth, vnd vnder wilen itlike armen lude herbergeth, dar he ock dachlickes plach tho kamende vnd ſick nicht ſchemede den armen tho denende, Dar na vor warff he by den koninck van dennemarck, dat, woll dar wolde an ſinenn Ricke, de mochte Criſten werdenn, alſzo wordenn dorch de lere S· anſcharius vele heidenn bekerth Dar na dofte S anſcharius den koninck van Swedenn

[...]⁹ NB Wolfb. 209 Helmst hat st. "ewigen" "eninge", was offenbar d. Richtige ist.

He brachte ock denn lichann S. wilhadi jn de kercken S. pethers wedder de vann willerico gebracht was, jnn de capellen, jndt sudenn des domes

Anscharius is vann kindes vp, midt hemmelschenn gesichte begaueth geweszenn, de eme be jegende, dar dorch he vormaneth, dat he ſinenn ſÿn van den erdeschen dingenn aff wendede, welckere apenn baringe, he idtligenn ſiner bestenn frunde, woll plach tho vorthellende midt dem beschede dat se idt bÿ ſinen leuende nemande ſcholdenn ſeggenn vnder anderenn is dith ene dar vann

Do he by · 5· Jarenn olt was geweſt, was ſyne moder de en godt fruchtich fruwe was, vor ſtoruenn, vnd nicht lange dar na hadde ene ſin vader vth geſandt jn de ſchole, dar he wadt lerenn ſcholde, dar he mit ſines gelickenn, midt kinder werckenn vme ginck, alszo kinder plegenn tho donde, vnd ſpelede vele leuer, den he jn de ſchole ginck, jn ener nacht, duchte eme, dat he were jn ener ſlibberigen ſtede, dar he dar, behaluenn midt ſwarenn arbeide nicht konde wech kamenn, Auerst by der ſuluenn dreckygen ſtede, was en lustich wech, dar ſach he vppe ſtande, vnd manck anderenn frowenn gande, de ſwuercke midt wittenn klederen geſireth werenn, dar ſin Moder mede was welcke alsze he ſekende, berde he he, als wolde he tho er gann, vnd konde vth der ſtede nicht vorth kamen

Alszo eme duſſe fruwenn nu noger quemen duchte eme, dat de, ſzo dorch anderenn ouerſte ſchinde tho weſzenn, welckere he vor Mende Marien tho weſzen, ſede tho eme Sone, wulthu tho diner moder kamen, andt worde he · Ja · Seden ſze wedder, wulthu vnſze ge ſelſchop dellafftich werdenn, ſzo moſto alle boſheit flenn, vnd de kinder ſcho vth thenn, vnd dy ſuluen jn en bether leuendt geuenn, wenthe wy hathen vnd vor flockenn alle boſze vnd idele dynge, vnd mach ock jn vnſenn ordenn nicht kamen, de ſick hirinne beflithenn, vnd dar luſt tho hefft, Na diſſenn geſichte hefft he begindt ſick redelick vnd

9

9

godtfruchtich tho holdenn, dat sick sine medegesellenn dar auer haddenn vor wonderth, dat he jn so korter tidt sick vor ander de Anno · 861 · jm · 30 · jare siner regeringe do beschreff he dat leuenth · S · wilhadus, he regerde tho Bremenn 18 · jar dat makede tho samende 34 jar de he gepredi geth hefft, vnd starff olth vnd full van jarenn anno · 865 · jndictione · 13. · vnd warth begrauen vor vnser leuenn frowenn Althar jm dome ://: · 5 · De vofte bisschop [Abbildung: Wappenschild mit zwei gekreuzten Schlüsseln (Bremer Schlüssel), mit Tinte gezeichnet, ohne Farben.]

Rimbert (865 bis 888) - 5. Bischof

Rembartus. Na deme dat he gekarenn was, wigde en de Ertſze Bischop tho Mens, tho erem Bischo tho Bremenn alſzo quam he tho Coruey, vnd endtfenck dat kledt midt kostlicken heitde, welckenn de abbet des closters, tho gaff adalgarium tho einenn Coadiutor, de ock na Rembertho bisscho wardt, Disse Rembertus endtfeng den Manthell vam paweste nicolao; vnde denn staff vann ludowico 2, he fullenn brachte fullen kamenlick syn ampt, vnd wen he suluenn geschefte haluenn nicht predykenn konde, so hadde he alletidt presters de dat dedenn Jnn sinem 12 jare der Regeringe, starff ludowicus ·2· na welkes dode, de denenn, vnde Normenne regerdenn, ane dwanck vor stordenn, vnd vorherdenn de kerckenn, henn vnd wedder, vnd brandenn der Cristenn klenader, alszo warth Sassen landt van den barbarenn vorstoreth vnd vor herdt, Collenn wordt vor brandt, van dem pallas tho Ackenn worth en perdestall gemacket, welckenn dar na de furste ortwich vorstorde vnd lach alszo moste woll · 80 · jar · beth tho den tidenn Ottonis · 3·

Anno · 880 · quam dat, her der Normenne wedder jnn Sassenn, do keiser ladowick gestorffenn was, de se wackenn hadde ge slagenn, vme toch doruenn, gest do Bruno, hartoch, vann Sassenn vnd Engern dith vor Nam, sammelde he eine grothe macht vann volcke, jegenn sze, dar mede weren 12 · greuenn, Marquardus bischo tho hildenszem, Theodoricus Bischop tho Mindenn, Erlulphus bischop tho verdenn, Rembertus Ertzebischop tho bremenn, de suluenn werenn alle willich, vme Cristus willenn tho steruenn, alszo dedenn se eine grothe slachtinck tho samen, de wonnen de Normenne, Bruno, de bisschope vnd all dat folck worth erslagenn, vnd tho Ebbekestorp ( dar do ein Junfferenn closter gebuweth wurth ) begrauenn, Jdt gefell ock dat de heidenn jn ostfreslanth quemen tho nordenn, vnd woldenn dat vorstorenn, do was S · Remberthus dar vp de tidt, vnd handede de forstenn dar tho midt siner lere, dat sze der Northmenne slogenn, 10377 · mann, Ock wurdenn ohrer vele jn de flucht erslagenn Menn secht dat de stede, dar vp S · Rembertus do knedde, alletidt grone bliue, vnd de tekenn stann jn einenn stene gehouenn dar he vppe bedede/ [...]^{aFußnote a[Unleserlich]} plach vakenn de storme vnd wynde vnd vnwedder, wen he jn swedenn toch tho sathenude, Ock vor loszede he dar enen koninckges sone vnd Make enen blindenn szende, den he vor lossede, dat scholde gewest sin koninck ladewickes sone, gehethenn Carolus, vnd de bosze gest sede vnd rep luder stemme, dar 4 ander Bischope jegenn wardich werenn dat S · Rembertus, dat ampt allene werdichlikenn gedaenn hadde, Bembertus halp alle tidt na sinenn bestenn vormogen, den armen gefangenn Cristenn, he gaff alle tid de armen gerne Dat gasthus binnen Bremen hefft he erlickenn, vorbethert vnd nicht allene jn sinen Bischopdome sunder jn allen stedenn, wor he was, plach he den armen sine almissenn gerne mede tho delenn, dar he sine nafolgers ein exempell mede gaff

·10·

10

He stifftede ock de Closterlickenn Karckenn tho Buckenn midt prouestienn, vnd settede 12 Canonikenn dar jn vnde weyde de karckenn jn de ere vnser leuen frowenn vnd S · Materniani, welckes licham he dar brachte he lestenn worth he swack vnd oldt, wen he den suluenn nicht en konde, so ledt he dat volck jm gelouenn steckenn, dorch adalgarium ///

De sterff Anno · 888 · jn der 8 Judictienn vnd sin dach werth gefrieth 3 Ao junij vnd is begrauenn vnde Ostenn des domes alsze he gebedenn hadde ///

6 De soste bisschopp Adalgarius de vorstundt de karckenn tho Bremenn · 20 · jar, he entfenck sine Regalia vann arnolpho Cesar vnd de Ertze vann pawest Stephan · 6 · he auer leuede vele angestes vnd jammers, do de Barbarenn de lande vorstordenn, Nochtans ledt he sine predige nicht hinder weges, tho lest wardt he Midt alder beladenn vnd kranckheit vnd starff Anno · 908 · Idus Maij, vnd by · S Rembertho begrauenn Anno ·988 den 28 Aprill Rembertho tho Bremen, by sin dat Closter tho hefft dar [Abbildung: Wappenschild mit zwei gekreuzten Schlüsseln (Bremer Schlüssel); braune Federzeichnung ohne Farbfüllung.] na ein ander wesen entlich tho zuuen gelecht,

jn de vnder Keiser Hac vita sunt de Adaldagis de quo fol. 12. v.

11

7 De Souede Bischop

Hoger (909 bis 915) - 7. Bischof

Hoierus sat · 7 · iar, vnd entf enck denn staff vann ludo wico · 3 · vnd de Ertze vann denn pawest Sergio · 3 · he was ein Monnick des klosters tho Corueÿ vnd adalgarius tho enen Coadiutor geleueth, Men vyndt geschreuen dat he ein strenge lerer sy gewest Jn sinenn thidenn, is geendigeth dat geslechte Caroli Magni, vnd dat septrunn is jn ander hande gekamen Tho dissenn tidenn wardt hamborch vann denn wendenn, vnd Bremenn van den vngerenn vorstoreth hoierus de starff vnd warth begrauenn by sinenn vorfader jn de Capellenn S Michgells jndt ostenn des domes, do men auer · 120 · jar de Cappellen vor nigen scholde do wandt Men van Hoyerus lich am Nicht jn grawe behaluen de crusze des manthels vnd de har

Jnn oldenn bockenn steidt vann eme alszo geschreuenn, Sanstus hoierus Ilectus septimus heres ://:

x) Wolff. 76. 24 Ang. hat "Sirus" " 209 Helmhl" "Sanctus"

· 11 ·

8 De achte Bischop

Reginward (916 bis 916) - 8. Bischof

Reinwardus satt ein iar, vann welckes leuende begrauenn, sinenn Namen is nicht der handt gekamenn // De vngerenn tho Bremen slagen [Abbildung] Jnn siner tydt, brandenn vnd hungerenn & sande tho Bremenn, pinigende presters vor dem Altare vnd de gestlickenn lude de sick midt dem volck mengedenn, slogenn sze doch vnd fengen sze, do quam ein hastich grodt weder, vnd sloch de hitte vnd flammen der kerckenn & de branden jn oher anstal vnd vor sinorthede se, de anderenn de nicht vor brande Blexenn en dell jn de wesser vnd drenckeden sick vnde de auer bleuenn wurden vann den borgerenn doth geslagenn dar na starff Reinwardus tho Han 3 Calocter anno 916 vnd warth begrauenn jn S Michgells capellenn //

De negede Bischop

Unni (916 bis 936) - 9. Bischof

Unno sat 18 jar. Na Reinwardus dode wart gekarenn luderus, de domprawest tho Bremenn, welckes Capellann anno was, do de quam jn des keisers hoff, vme dat stifte tho endtfangenn, Do keiser Conradus vor nam ludenn, vnd sach vnnonen achter ene stund [Abbildung]

so gaff he dat stifft vnnoni, vnd gaff ene den staf als idt godt velichte hebbenn wolde, Johannes · 10 · gaff ene de Ertze, he was ein fram Man, vnd bleff alle tidt den Romeschenn keiser Conrado, vnd hinrico, denst afftich, als men lest Nouis principibus nouus zu ordine nouus, he was in sinenn ampte flichtich, vnd ledt alle wedder werdich herdt geduldich vmme der leue Cristi willenn

Tho dussenn tidenn, dedenn de denenn den vmb lyggendenn landenn grothenn schadenn, midt roue vnd brande, do toch keiser Hinrick vp de denenn midt heres krafft, vnd ge wann Sleswick, de tho der suluenn tidt gans Mechtich was, vnd ordinerde dar henn eine marchgreuenn tho einen stadt holder auerst alszo de keiser wedder vth dem lande was, erslogenn de denenn den Marckgrauenn, vnd slogenn de Sassenn vth dem lande, dar na quam keiser otto jndt Regiment de thoch wolgerust jndt landt, de Marggraue vnde de Sassenn tho wreckenn, dede grothenn schadenn jn roff vnd brande, do Rustede sick koning haraldus, vnd toch ottoni endtjegenn, auerst dar warth so vele tho sprake gekamenn vnd aff ge redeth dat haraldus midt sinen sone Otto, sampt siner frowenn Gunilt, sick leth dopenn, do dar se vnno bischop tho Bremenn midt einen grothen folcke, otto de keiser hoeff den sone Swen suluenn vth der dope vnd leth en nomen midt nen namen Swenotto vnd haraldus behelt de louenn flitich, do wordenn jn dennemarcken 3 bischope der kerckenn tho Bremen vnd hamborch ( wel ckes en stifft is) suffraganenn, vnd anno quam midt hulpe des koninges vp alle eilande in dennemarcke de volcke dat worth gades tho predekenn vnd starckede de Cristen de he dar vandt jm gelouenn

[Rand: Factum 12

Dar na quam he middenn tho Swedenn mit groth arbeide, tho der stadt Birca, dede is de houeth stadt der gottenn dar jn · 70 · jaren na S. anscharius dode neen prediger jn kamen droste, de haluenn sunthe Bembertus

Dar na do vnno sine lere fullen brachter hadde, vnd wolde wedder vth Swedenn, so warth he by der stadt Birca kranck vnd starff, dar na Anno 934. dar en sine dissipelenn midt rorende begrauenn, auerst sy houeth warth tho Bremen gefort, vnd midden jn den doem begrauenn vorth althar, he starff der Sprede vnd gaff sinen na folgerenn ein Exempell, dat men arbeith de leren, tho wather ofte lande schall vorſchreuen vmme de salicheit tho krigenn. //:

· 10 · De thiende Bischop

Adaldag (936 bis 988) - 10. Bischof

Adaldagus, vorstundt de kerckenn tho Bremenn · 54 · jar, he was eddell vann geborth, junck van iarenn, schone van antladt, wis vnnd vor stendich//

[Abbildung]

he warth genamen vth dem sore der kerckenn tho hildenszem, vnd wan en disipell S adelwardi Bischop tho verdenn, vann welckenn he ock jn des keisers haue ser gelaueth was vnd was ottonis kenceler, Sine Regule entfing vann keiser ottenn dem erstenn, vnd de Ertze van leone · 7 · alszo hefft Adaldagus thom erstenn do quam jn dat stift tho Bremenn, dat jn lange tidenn Midt machte vnd richtes handellen vor et was, dat hefft he dorch des Keisers ottonis ge frigenn, vnd absoluerenn, vnd hefft de

vnd ſtyfte lathenn mit prester begauenn, Do erlangede he vann dem pawest, dat he siner karckenn tho Bremenn vnde bestedigenn alle de punctenn vnd stucke, de vann sinen vadere pawesten tho Rome Gregorio, nicolao, Sergio, vnd andere den Ertzestifte vorlenen werenn[?]

Do der tidt do keiser otto jn Jtalienn was, vnde Berengarius vor jagethte, was adaldagus woll 5 jar by dem keiser, vnd erlangede der stadt grote priuilegien vann dem keiser, de de stadt jn bewaringe heft, do vorbadede dat Capittell vnd gantze volck, adaldagus wedder tho lande tho kamende, wenthe se en kunden siner dach lickes nicht lenck entberenn, do ginck adaldagus an den keyszer vnd begerde dat he na Bremen wedder reisen mochte, dat vorlouede eme de keiszer, vnd beuoll eme den gefangenn pawest, tho vorwarende.

Do he wedder quam, gingen vnd jegenn, papen vnd leigenn, beide vann binnen vnd van buthen, vnd wolden sick siner tho kumpst, adaldagus brachte jn sine here mede, pauest Benedichtunn · 5 · de van keiser ottone · 1 · wurth vordreuenn, vnd tho hamborch vencklich geholdenn wenthe dat he sterff, thom lesten begunde der Romer tho Magende, dat de pawest alszo vordreuenn was, vnd woldenn ene wedder ropenn, vnd midt dem keiszer vor enigenn, Auerst do der Romer legathenn tho hamborch quemen do was he gestoruenn, 4 nonas julij adaldagus brachte mede vth jtalienn disse hilligenn ligamme · luitiaci · Casari Cosme & damiani victoris Cancianonu felices & felicianij, dit hilligedom vor delde he jn syn stiffte, den ligham victoris, he brachte he tho Bremen, alszo he dit midt erwerdicheit ge daenn hadde, erschenn ome tho Bremen S anscher jn dem drome, van welckenn he schricliken worth

vor maneth dorch de hillicheit vnd vor desse S. Marniani, welckes licham tho buckenn rowede, he buwede kerckenn mit er werdicheit, beschreuen vnd bewarde alszo begann adaldagg de suluenn kerckenn tho Breme tho begunnende midt groter leue siner herthenn, brachte dar tho 10 prouenn tho, de dar van genamen weren des gelickenn gaff he dar tho den thegeden tho winberg

he buwede de kerckenn tho hesling, jn der ere S. vij vnd sammelde dar ein samlinge jnn, van framen frowenn dar ock de hilge junckfrowe S. wendele vnd ere vader, ere gansze gudt tho geuenn hebbenn

Jtem he stifte jn freslandt jn oestringe tho Reepsolte eine domerige van Canonikenn, jn S. Mauritius ere, vnd siner hilligenn martelerenn selchop

Dat hospitall tho Bremen hefft he midt vele renthen vor bethert, alszo dat men behaluen de geste (de dar dachlickes entfangenn werdenn) dachlickes zo arme lude vodeth

Keiser Otto heldt ein tidtlanck hoff tho wildes huser er he jn jtalienn thoch, dar adaldage stedes by en was

Anno · 988 · 4 Calend · Maij 1 · Judictione sterff adaldagus, im · 54 · jare siner regeringe vnd warth begrauenn tho dem houede luderic :/:

14

11 de Elffte bischop [Abbildung]

Libentius I. (988 bis 1013) - 11. Bischof

Libentius, wart gekarenn Anno · 988 · he regerde 25. jar, vnd entfinck de Ertze van pawest Johanne 15. vnd de Regalia vann Ottone 3. he was de erste, de gewigeth worth tho Bremenn vann welbischopenn, he was en groth gelerdt mann, fram vnd godt fruchtich, vnd was adaldage na gefolgeth, vth Italia, vp dat he sick na siner lere vnde hilligen leuende mochte richtenn vnd warth allene werdich gefundenn tho denn Bischopdomme, gelick alszo idt adaldage ge ordenth hadde :

He was vann so grothenn kuschedenn, dat he sick seldenn frowens ledt szenn, he was van so grother abstinentie, dat he vann grothenn vastende bleck an sinenn antlate was ·

He sath midt grothenn sorgenn vor sin stifft besorgede ock dat hospitall, vnd dede dachlick denn armenn he be voll libentio sinem Neuenn dat closter vacken, vnd visitende de auerde elueschenn, he wolde sine Moder binnen hamborch vnd fullen brachte sine lere andechtichlick

Na koninck haraldy dode vann dennemercke was einn geboren dene, Midt namen poppo, de was gar woll geoueth jm Cristenn gelouenn, vnd predikede hefftich jm lande jegen de affgoderie, den mackede libentius tho einen bischope tho arens, vnd ordinerde ock hinrikunn tho Sleswick, les dage tho Ripenn, vnd Garbrandum tho Rotschilde

14

Bernaris 2 Episcop. Verdensis v. Chronich. Verd. fol. 11. pag. 2. Crantz. Ruckop. 13. 6. 98. Rameslo. Sergij papa. ob. ao. 1012. . Jn der tidt, do de twolfte Bernarij Bischop tho verden, vnd vann Rameslo, tegen den pawest Sergius was de endech, warth Bremenn midt ener Murenn beuest Dar na stundenn vp de wendenn, vnd vorstordenn de Cristenheit, dar vmelanck her, reden de karckenn thor erdenn, dodede de presters, vnd lethenn nicht ein van speer der Cristenheit auer bliuenn, by hamborch sindt vele papenn vnd leigenn jn de fenckenisse gelecht vnd vele gedodeth, vme des Cristenn gelouens willen

Anno 1013 jn der elfsten Judictien starff libentie vnd is begrauenn tho Bremen Middenn in des domes Core, vor der treppen Sanctuarij

· 12 · de twolfte Bischop

Unwan (1013 bis 1029) - 12. Bischof

Unwannus sath 18 jar. De entfing de Ertze vann Benedicto 8. de regerde vann hinrico 2. disse vnwanus was de alder erste, de enn Coruendt makede [Abbildung: zwei gekreuzte Schlüssel in einem Schild (Bremer Wappen).] van den de tho vorenn an den vmme gangen wandenn vnd werenn deni vnder Monnike vnd Canonikenn, disse vnwannus worth vor folgeth midt simonie, wente he hadde arue vnd gudt, de he den Keyszer dwanges haluen den druddendell auer laten moste, vnd den drudden der kerckenn, vnd den lesten dell drudden dell sinen

Disse vnwanus vor aller heidenn sede, so de he vann oren offerhusenn hir jm lande wol 12 kercken mackede, dar he ock S. vitus kasse, buthenn Bremen van Mackede leth, Do vorbrande ock S. wilhadus cappelle, de he wedde buwede

15

In der tidt vorstorde me den dick by der wesser jegenn de vnweder vnd storme Vann hertoch Berends vann Sassenn vann sines geslechtes auer modt In der tidt dewile hertoch Berent leuede was alle tidt jn Sassenn tweydracht, de hertoch bekrigede de keiser vnd de kerckenn, vnd vordreff allendt wath he konde, de Bischop krigede vmme wolfardt siner kercken, vnd de hertoch vmme vor widerunge sines landes disse krich wardt jo lenck jo mer, hertoch Berendt vor druckede dat wolck midt giticheit, van den Cristenn gelouenn, vnd vor heide gansze Sassenn landt, jegen denn Keiser, thom lestenn bekrigede he sundergen de kerckenn tho Bremenn, de was de nichts van allen dar na de kerckenn van hamborch de noch furder vann keiser gelegenn was welckes hertogenn auer moth vnwannus midt sacht modicheit auer wann, doch welckes wisheit he dar tho gedrungenn warth, dat he der kerckenn, de he tho vorenn bekrigedeth hadde, der warth he gunstich jn allenn dingenn, Dar vmme warth de hertoch van na rade vnwannus midt dem keiser vordragenn, so dat he midt hulpe des keisers vnde Bischopes, do de wenden vnder tins vnd tributh gebracht, Mackede frede midt den auer de elueschenn, vnd der kercken tho hamborch Do vor nigede vnwannus de stadt vnd kercken tho hamborch wedder tho samende, vnde settede 12. de dar jnne wannen scholdenn, alszo Canonikenn vnd Heren de dat volck van den heideschen louen bringen scholdenn, de Bischop vnwanus, ordinerde ock jn wendtlandt na Reinbartus dode ene wiszen man geheten Benno de van den broderen der kercken tho hamborch gekaren worth, de predikede den wenden dat worth godt vnde schaffede grote nutticheit 15 [Rand: Bernhardy1. Hermanni sley, o. anno 1011. sepulty.]

Vnwannus hadde sine vpkunst lange wile tho samende samelth, vnd minde er dar to, tho gebruckenn, dat he wredenn koninge jn Norwegenn lande mochte vor sinenn mit sinen gauenn, vnd tho den gelouenn se gunstich mackenn

Tho disser tidt auer wann koninck kundt van den marckenn, de koning Adelrat van engelandt, vnd besadt lange jar beide dennemarck vnd Engelandt do brachte he vele Bischope vth engelandt mede jnn dennemarckenn, van welckerenn he ordinerde Bernard jn schonsz sidt, Gerbrandun, jn selandt, vnd keine jn funen, dat vor dat vnwanno, dat de gerechticheit de dem Bischoppen van bremen allene tho kumpt, vp tho settende jn dennemarckenn, van anderen fullen bracht worth. Der haluen funden he Gerbrandun de jnn Engelandt gewigeth was van Eluoldo dem Ertzbiste do lauede Gerbrandus van norwegenn vnde tho doende, sin vnd vnder danich tho wesen der kerckenn tho Bremen, vnd warth dar na de alle beste frundt, vnwann mit welkenn he ock sine legathen tho koninck kundt van denne midt gaenn, sick frowende, der victorien de he jn Engelandt gekregenn hadde, auerst he beschuldig ene vmme de Bisschope, de he vth engelandt genamen hadde dat de koninck dancklickenn tho sick nam vnd warth so van den Bisschope vnderwunen, dat he na sinenn Rade hir doem wolde :

In der tidt was gudt frede, twischen den wenden vnd auer elueschen, vnd vnwannus formerde de kerckenn tho hamborch wedder vnd vorsammelde dar enen grote schall van papenn, vnd borgenn, plach dar ock vakenn woll ein halff jar midt hertoch Berende tho wanenn, buwede dar ock ein

en holtenn kloster Alszo vnwannus alszo sin ampte, beide buthen vnd tho hus hadde vull gedaenn sterff he Anno 1029 6 Calend februa, 2 jndict, vnd warth begrauen Lby sine vor wader [Abbildung] 13 De dorteyde Bisschop

Libentius II. (1029 bis 1032) - 13. Bischof

Libentus 2. de sat by 4 jarenn disse was des anderenn libenij neue, vnd entfenck midt gunste der keiserinne Giselenn, de Regalia, van Conrado 2 Ertze, van pawest Johanne 19 he was ein endtfoldich, rechtferdich vnd godt fruchtich mann, allen luden gudt lich tho spreckenn, hadde de gestlickenn ser leff, gaff gerne denn armenn, Itenn he losede midt sinenn gelde, van den jnwanrenn des landes ene brugge auer dat wather, lede dar by einen tolle vnd settede dat men den broderenn alle jar zo malidt dar van geuenn scholde

he hadde sines Closters so grote sorge vnd vpsicht dat he allene jn sinenn dele alle gebrecke siner vor faderenn vor fulde

Dat Biscopdom, prouestie vnd dat Munster was alszo vorwillich, des kriges haluenn, hertoch Berendes vnd der vngelouigenn, dat men dar kume einen armen Minschenn konde vindenn, Wenthe dar was jm stifte grodt Armodt, de de heiden gemaket haddenn ://:

[Rand: Jnne 16 · [Rand: Dom]

Jnn dissenn tidenn, was S. Turgodt de bischop lange tidt mit libentio tho Bremen, de predigen vnde arbeidende, de warth gans vth settich, vnd vor bleff sine besten dach ant groter gedult, thom leste nam he ene saligen ende, vnd warth begrauen S. peters Munster, do weren dar mit libentio de sulue predigers, de junge oder, Sifridus vth Swedenn, Rodolphus vth norwegenn, de seden libentio, wo dat godt almechtich sin worth auer dat volck seer vormerde, vnd groth dar by dede de dachlickes bekerdt worden, de libentius na sinen vormoge wedder vth sande, tho prediger

In der tidt Hinrici des keisers, wande Hinricus de kale, vp dem slate tho de, desulue was sacht modich vnd fram vnd hadde eine frowenn de hete Hildegarda, de hadde einen sone tho hope de was canonick tho Hildensem, disse warth ant der sinen van der papheit mit almissen geloset, sulue makede tho desses libentij, genomet hinricu tidenn, van dem slate herssefelde ein closter van Slerkenn, welck tho vorenn van hertoch Beren vann Sassen, vnd libentio & warth vor vorstoret he kosse sick drie auer ant lande ornamentenn, vnd anderenn guderenn, dat he alle der kerckenn gaff, disse Hinricus hadde 2 sons, einen Siuerdt de Stade buwede, vnd Greue Tiaderick, de worden allebeide van den zerouerenn wech geforeth vnd en ere borch affgewonnen de broder als se en henne vorden, was he ant de voten slathen quam in einen vyscher scheppen, vnd warth alszo Greuenn vnd vorloszet, vnd de barbare houen Bremenn seende de hande aff, dem anderenn broder leden se mannige pine an, Mutilatus de alszo endtfordt was, vnd wedder los ge worden, de

vxorem duxit de Bundes, et genuit ipsum filium, frater suo junior [...] [...] [...] et quondam Rodolphi [...] [...], [...] fuit.. [...] fol. 54

[Rand:,. o. Arp. anno 930.]

[Rand: Libentius Episcopus. ob. 1013.] [Rand: Anno 933]

Rudolphus Sueuie dux electus fuit anno 1077. tenuit anno 1080. 17 der grote drake vnde se nam eine fruwen vann Brieren, Mydt welcker se einen sone krech, geheten Sifridus vnd als sin broder dorch was sunder arueun, do nam Gifridus eine fruwenn, geheten adela, de krech der na grund luder, de vann adelheit Rodolphi des hertogen sin, vnd nicht odonen de ersten, de warth greff wardt, de siner tidt, warth de Graueschop gegeuenn der kerckenn tho Bremen, vnd dar van tho lene entfangen, hertoch Bernd vnd Teotmarus deden der kerckenn tho Bremenn vele gudes, vnd geuenn al oren schat dar tho, dat quam ock mede tho van S Emme, de de jn tho Bremen sere leff hadde, de was minwerckes van desserbart bischops tho padeborn suster vnd greue luders frowe, welcker hertog Bennonis broder was, Disse Emme hadde grodt gudt, van arffgude, vnd ock jn reden gude, alszo suluer vnd goldt 2 welckes se alle by na der kerckenn tho Bremen gaff, de se ser leff hadde, dar se ock begrauenn licht, Se gaff ock der stadt eine grote wische vnd weide, welckes de borger weide het, vp welkerer, de beste nene noth hebbenn, van brinsenn, wopszenn offte flegenn, vnd dith was Anno 1032

Jm suluenn jare, begann Libentius kranck tho werdenn, de S Bartolomeus feste dede he 2 missenn vnd do de salter vthe was, ginck he frolick tom herenn 13 jndict · 8 Calene · 17 ·

[Rand: Ludewig comes Transalbins ... fuit ... Henricus ... Conradus Salicus 1085]

[Rand: Ludewig anno ... Henricus ... Ludgerus Comes frater ...]

14 de vertheinde Bischop

Hermann von Bremen (1032 bis 1035) - 14. Bischof

Hermannus sat kume 3 jar, de entfenck dem staff van conrado 2, denn Manthell van benedictos he warth gekarenn van dem kore tho haluerstadt, vnde was dar prawest,

Ein Mann van groter Simpelheit, dar vmb, warth he lichtlikenn bedragenn, van sinenn jn he visiterde sine kerckenn selden he quam eins vnde sinem here tho hamborch vnd schinde dat landt dar vmelanck gelick oft idt ome nicht tho horde

[Abbildung] He hadde einenn man, geheten Macco, dat was sin vicedominus, de hadde Eddellude tho Cappellane alszo wodoricus, vnd swidergens warth no Bischop tho Bamberch, vnd dar na pawst tho Rome, de Subdiacon Hermanni, de hete albinus vnd warth noch Bischop tho Bremen

Disse hermannus, vor nedder allent wath he anstaen wandt To dusser tidt, krigede de keiser Conradus jegen de palenn vnd brachte ock de wenden tho gehorsam welckeres landes forsten, Anatrog vnd Gneue heiden werenn, vnde do sick bekerdenn, otto an de drudde sone Mistriuoj, der andre, als Gneus vnde anatrog broder, was ein bosze Cristenn, de haluenn warth iij he van einen Sassen vmme gebracht, der veles vngeluckes in orsacke was, wo he hadde einen sone, de ginck jm Munster tho lunenborch tho schole, Alsze disse sines vaders dorch vor nam leet he de lere vnd gestlickeit varenn

18 roff wech vnd vorstorde de ganszenn Cristenheit, dar wendt landt, do toch de keiser jegenn, se, als se werde dat stedekenn jn wendtlandt gelegenn vor stordt hadden, vnd brachte se wedder tho gehorsam, Als de keiser nu allendt haluenn frede hadde gemaket, lest he sinenn sone hinricum tho einen keiser na sinem dode settedenn, vnd starff kortes dar na vnd wurth tho Spir begrauenn, jnn, denn Nigenn dhom, den he gebuweth hadde,

Hermannus schaffede nicht sunderges, auerst he brachte erstenn Gundonenn den sang mester tho Bremenn, midt welckes an wisinge he den sang vnd Closterlicke lere anrichtede dat allene van sinenn besten wercken was

Dar na leth he dat breckenn dat olde bedehus S michgelis, vnd nam daruth de de ligamme siner forfaderenn, als, adalldagy, hoͤren, vnd Reinwardi, vnd leth se bewarenn vor dem Richtestole jm dome

Hermannus ginck ein grodt werck an, vnd wolde de stadt vann Bremenn bemurenn, auerst he starff dar auer, als kume dat fundamenthe dar van gelecht was · 4 Calend · octob · anno 1035 · vnd warth begrauenn midden den Core :/:

15 de vofteinde Bischop

Adalbrand (Bezelin) (1035 bis 1043) - 15. Bischof

Beselinus, ofte alabrandus gehetenn sat tein iar, he warth genamenn vann dem Core tho Collenn, Ein man ge szireth jn allenn dogedenn, vnd denn ludenn lefflick, he endt fenck de Ertze

vann Benedicto 9 vnd de Regella vann Conrado 2 he warth gewiegt vann welbischopenn, vnd van 7 bischopenn tho hamborch midt grother ere de gefordt disse alabrandus was midt allen ludenn, wo men eine hebbenn wolde, vnd was besunderenn der geistlick eith so genegeth, dat he nicht liden mochte, dat men jenigenn van iij quadt worth tho sprack

S vorniede dat Closter by deme dome vnd settede den Canonikenn der erstenn tafelenn do was de prouene noch kleine, vnd settede dat men denn broderenn en widt brodt geuenn scholde, van sinent wegenn, van rechte den he dar tho gaff, bauen de dartich Maltidenn de he dar tho gesettet hadde, vnd des sondages scholde men jewelicken dubbelde prouenn geuenn, vnd settede ock den broderenn win tho den ckende jegenn ere gewanheit, dat he ock syn leuendt lanck fullenbrachte, do he de tafeln ordinerdet hadde do kerde he sick tho den Closter binn dome, vnd buwede dat klar stenenn wath tho vorenn holt was, jn einer verkanttenn forme, Midt velen kamerenn gedeleth vnd schone an tho sende

Dar na buwede he der stadt murenn tho Bremen, de Hermannus synn vorfader begint hadde

Dar na settede he tho dem gebuwete tho hamborch midt ganszer leue sines herenn, dar haddenn vnwannus vnd hertog Berndt, ein eddell Closter gebuweth van holte, na der slachtinge der wenden, auerst Beselinus was de erste van allenn de de kerckenn de dar was gebuweth jn de ere vnser leuenn fruwenn, jn verkenter forne, van stenen gebuweth heft, vnd mackede ock ein stenhus midt tornenn vnd werenn, woll bewaredt, vnd vme

19

siner leue willenn, mackede hertoch Berendt van Sassenn, dar ock iij hus by, Beselinus bernurde hamborch ock, alszo he tho vorenn Bremen gedan hadde

Jn der tidt was albrandus flitich jn siner predikende vnd ordinerde van sinen capellanen, Rodolphus tho Sleswick, Abelinus tho wenden, van der Chore tho Bremenn vnd Ripenn

Jn der suluenn tidt was auer der elue, vnd jn gantzenn ricke sick frede, der wenden fursten antrog Bruno vnd Racibor quemen midt freden tho hamborch, vnd werenn dar midt alabrando, vnd hertogen Berendt, alszo dat de Bischop vmme de Cristen gelouen, vnde de hertoch ene vnd jm folcke sere arbeidede

Jn disser tidt vormide Bischop herman van Collenn, ein olde klage vp Bremen alszo dat de bischop scholde en suffraganeus wesen der kerckenn tho Collenn

Jn dusse tidt, alszo Koninck Eryck van norwegen jn engelandt wolde, kerde he midt sinem schepe jn hadeler landt, des fingen ene alabrandes ridder, vnd brachtenn eine gefangenn vor den Bischop, de vnd fenck ene midt grothenn erenn, brachte ene tho Bremenn, vnd begauede ene hochlickenn, dar na ledt he en midt frede wedder jn sin ricke ten, welcker alszo he wedder tho hus quam, sede he van der konincklickenn werde des bischops, vnd van deme schatte der kerckenn, vnd lauede en sere, wo dat he iij sin here, beide van persone vnd wercken were, dar ene warth he ock van hertoch Berende vnd sinenn broder Teotmaro ser ge eredt, vnd stillede ock midt siner wisheit, de houerdie vnder des merggreuenn19

Jn der tidt quemenn quemenn serouers vp de wesser wenthe tho der leszenn, vnd vor doruenn dat landt all vmme, auerst de Bremers weren vp vnd jagedenn se, so tho schepe dat dar nicht vele van leuendich wech quemenn

In der tidt regerde koninck Magnus, leuers sone vann Dennemarcken vnd norwegenn, deme quam alebrandus endtyegenn, vnd hadde jn sinen here, hertoch Berende van Sassenn, Teotmarunn, denn Bischop tho hildensenn, de ock ein deene was vnd rodolphon Bischop tho Sleswick, vnd makede eine frie, alszo dat de koninck gaff sine suster Rudolpho, hertoch berendes sone van Sassen

Jnn der tidt starff de Eddelle wedewe, S Eummen de hadde woll · 40 · jar wedewe gesethenn, vnd hadde ock eine grothenn schadt tho samende, de sze by na altomale gegeuenn hadde armenn luden, vnde den kerckenn, vnd ore ligamme wurth tho bremenn, se gaff by erenn leuende der kercken tho bremenn grodt gudt, vnd gaff deme keiser leszenn, dar de keiserinne Gissele tho der tidt vmme tho Bremenn quam, vnd dede den broderenn grothe woldath, des gelicken allen armenn ludenn, vnd toch do midt alebrande na der dutschenn

De dom Vorbrande tho Bremenn

Jn dussenn jare, vor dem lesten jare beselini offt alabrandi, do brende dat gades hus · S · peters, dat kloster, vnd dat gansze gebuwete, vnd bleff nichtes vnd vor brandt, van der oldenn wanninge, Dar vor brande ock de schatte der kerckenn, vnd alle de frese, Na der tidt lepenn de broder bisterenn, buthenn dem Closter, vnd vor lethenn de Regelenn altomale, de vann den hilgenn federenn vnd tho forenn van ene ock woll geholdenn wurth, van der nicht do · S · wilhadt gewiet was, vnd de kercke tho

[Rand: Gisela fuit Conradi salici ao 1044] [Rand: Anno dat den auerst lede]

[Rand: auerst an Junge Ede ein frese. der haluen ge sin alle sin Er] vnd gudt der kerken tho Bremen, vnd buwete Bischop winaus den dome welten vp ape men.]

20

Bremenn erst gestichtedt warth, tho dem ende alabrandi do de kercke hadde gestaenn 270 jar vnd brande 3109 de[?] September Jn der suluenn tidt scholde beselinus jnn freslandt thenn, auerst alszo he horde dat de kercke gebrant was, do kerde he wedder vmme, vnd ledt dat funda mente leggenn, des anderenn jars, na der grote vnd lenge, ock gestalt der kercken tho Collen, hadde he gekennth so hadde gelouet, so hadde he jn korthenn jaren dat werck vullen bracht, wenthe he was oldt van jarenn, vnd lede sinenn flidt jn gebuw des tempels, vnd brachte jn deme sommer, vorth dat fundamente, piler vnd wende, dat men se hoch sach bauen vnde

Anno 1043, do de winter vorgangen was vnd paskenn anstundt, ginck alebrandu vor den guden donnerdage van der kercken tho Schermeke, barueth wenthe tho Bremen, alsze he rede midt dem kolde beuangenn was, so warth he vorth tho wather genamen, tho der kerckenn tho Buckenn, dar leuede he noch 7 dage, vnd starff · 7 · Cal. Maij · ii Bin ligam worth begrauenn Midden jm dome den he funderth hadde vnde worth van Bucken midt groten horende geforth na bremen [Abbildung] 18 de Sosteinde bischop

Adalbert I. (1043 bis 1072) - 16. Bischof

Albertus de sadt 30 jar, vnde entfenck denn staff vann Keiser hinrike dem drudden, vnde denn manthell van Bene dicto 9 he warth tho ackenn gewieth, dar de keiser jegenn wardich was midt sinen forstenn dar ock 12 Bischope jegen wardich werenn disse was szer edder van geborthe Fuderici Palatini Saxoniae frater. Chron. Seth. f. 630. Cum metropol. l. 5. c. 6. f. 123.

20

vnde was tho vorenn prawest tho halberstadt, he was van scheper memorienn, vnd wolberedeth, he gaff veleuer wen he nam, he was kusck, schone vnd milde, he be wisede den armen godt, grothe ormodicheit, des gelicken den armenn pelegrymenn

Der forstenn der werlth vnd des gelickenn, wolde he sick nicht otmodigen

Jn dem ersten do he gewieth was, vnd sach dat werck der kerckenn an, dat dat groth macht vnd kost behouede, leth he de murenn der stadt tho Bremenn, de van sinen forfader beginneth was, wedder vp nemenn, vnd ledt den sten bringenn tho dem tempell, do leth he ock wedder dall breckenn, den stenen torne midt den 7 kameren, vnde ledt ock dat kloster dat van houenstenen gebuweth was, dall breckenn, vnd hadde nenes dinges mer gebreck, wen papheit vnde stenes, vnd dat sin vor vader vnd vorgenger na der kerckenn tho Collenn beginneth hadde, dat wolde he vormerenn vnd buwenn, na dem husze tho Bremenn

Anno 1046 toch keiser hinrick in jtalienn vnd warth van dem Romerenn vredelickenn entfangenn, vnd settede aff 3 pawest Benedicti 9 Gregorium 6 vnde Siluestru 3 vnde settede tho einen pawest Clemens, den anderen bischop to Bauenbarch, dat en gebarender Sasse was, vnd hinrici Canseler was geweszenn, van welckenn he vnd sin frowe, wordenn gebenedieth in der keiszerlicken benedi enge, jn den Sinodo dar de dre pawest worden aff gesettet was mede Albertus Bischop tho bremenn vmme welckes bede willenn, pawest Swidegerus, de do Clemens wurth genometh, vornigede vnd confirmerde alle de preueleia de der kercken tho Bremenn vnd hamborch van sinenn vor vaderen vor leneth werenn

Anno 1049 dat was des Bischopes 7 jar do was dat hogeste althar, des bedechuses gemaket, vnd gewieth, in der ere vnser leuenn frowenn, jn der wester siden, jn der ere S peters leth he maken dat ander althar vnd wien

21

Vnder welckes tidenn lest menn dat de olde doem sy gemaket Dat werck bleff vngeendeth, woll jn dat 24 jar albertus vann groter beswarnis vnde hinder, de dem Ertzebischope lach dar na wurdenn de wendt gewitthet, vnde wester kunst gewirth jn S. andreas ere, vnd do albertus sach dat de hertoch vann Sassen, de kerckenn vor nedderde de sin vor vader adaldagus hadde gewieth, do arbeidede he midt allenn flite dar na, dat he der kerckenn mochte sinen, so dat dar noch hertoch, noch Greue, noch nemandt jeniger lege gerechticheit jn sinenn stifte hebbenn scholde dar hateden se ene ser vmme, vnde hetedenn ene vor reder vnd vorsperer des landes, do kerde he sick an den keiser vmme hulpe vnde dede vele arbeides, vaken vnde vele jn des keiszers werue, dat idt dem Ricke wonderde

Anno 1050 do albertus quam vth jtalienn do brochte he den keiser Hinrick mede tho Bremen, dat he de karckenn scholde szenn vnd dat he midt dem koninge van dennema ock spreckenn mochte, auerst he mende dat he der hertog vntruwe vor nemenn mochte, vnd tho wethen krigen, alszo warth de keiser tho Bremen reddelickenn endtfangen, alszo ome tho behorde, vnd gaff ome dat landt [+freslant by dat stichte to bremen

Als he tho der karckenn quam, dar warth van Teotmaro belecht, auerst de Bischop beschermede eme, dar vme warth de Greue van dem keiser tho rechte gesocht, vnd als he sick des midt kampe wolde entladen do warth he van einen siner vnder sathen dorch geslagen, welckes Greuenn dorch sin broder de hertoch, vnd sine kinder so he hadde, hatedenn, midt einen grothen grimmiger hat an den Ertzebischop albertun, vnd bewegen ene dar mede, dat he des dodes Teotmari schuldich scholde wesenn des he doch vnschuldich was, vnd vorfolgedenn ene dar vmme swarliken, dar to de sine vnd syne kercken, vnd dedenn eine alle den vn willen den se konden 21

Wanner ock vnde willenn ein falsch frede twischenn en de was gemaket, so dachtenn do sine kinder, der oldenn hates, dat ore vader vackenn vnd vele jegen de kerckenn hadde bedreuenn

Vp dat albertus Bremen gelick makede anderenn stedenn, stichtede he vann sinenn gude twe prouestien, de einenn tho S wilhadt dar des suluenn lichann rouwede, de anderenn tho sante stephane, deme he flitich dede, de twe mackede he vann anbeginne, de drudden mackede he to S. pawell vor bremenn van dem gude dat dem gasthusze tho horde, de verden tho der letzenn, de mackede he van anderenn gude, de vostenn wolde he macken by stade, de Sostenn auer der Elue jn Sulenborch, de Souen beginde he tho aspis jm stifte mindenn, jn einen busche vp einen berge, de achtede is ene abdige, geheten Corfi tana ( anders seggen gorsitana) vp der sale jm lande tho Franckenn, de gestichtedt warth van des Bischops older ock beginde he vele ander gebuwetes jn anderen steden, dat jn sinenn tiden wedder vorginck

He sande vacken vnd vele tho dem koninge jndt Wordenn, vme frundtschop midt ene tho hebbende, vnd sande ock Mannige breue auer alle Swedenn, Norwegenn vnd dennemarckenn vnd thom ende des landes, tho to herdende de bischopers vnd presters, szo jn den landen wandenn, dat se de kerckenn Cristi truwelick bewarden vnd de heidenn bekerdenn

In der tidt alsze koninck Erick hadde 4 koninckr alszo dennemarcke, Norwegenn Engelandt, vnd Sweden do vor gadt he jn siner wilde gades almechtich, vnd nam sine Modderenn van sweden tho ene wiffe, do albertus dat vor nam, sande he tho eine sine legathenn midt breuenn, vnd straffede eine sere auer der sunde vnd drouwede eine ser auer der sunde vnd wolde eine dar vmme jn den ban doenn, do worth de koninck auer modich, vnd drouede he wolde hamborch, vnd wath dar

22

vnmelanck licht wedder vorstorenn, auerst albertus bleff standt affrich so lange dat de pawest denn koning sine breue sande, so dat de koning sine modderen vor Anno 1051 do was by mentz ein Ginodus dar weren Keiszer Hinrick, pawest leo, Bardo bischop tho mens, Euerardy bischop tho trer, hermannus bischop tho Collen, albe rtus bischop tho Bremen, Engelarde bischop tho meyborch vnd vele anderen presters vth fromden landenn, dar warth de Bischop van Spir beclageth auerspels haluenn, dar he rechtes vor plach, dar wardt ock vele gehandelth tho nuttiheit der kerckenn, vnd dar worth der Simo nie handelinge, vnd der prester vnkuscheit mechtich vor dometh, den ginck Albertus altomale vor midt wischeit

Jnn der tidt buwede keiser hinrick gosseler van einem Jagerhuseen vnd molen husze vnd buwede dar einn schone pallas, vnd stichtede dar 2 Conuenthe welck he albartho be voll tho regerende

Jn der tidt starff de godtfruchtige koninck Jacobus van Swedenn, sine volgede jm Regimente Emunt ganiell, ein bosze minsche welckenn koning oleff van siner anien gewann, auerst wo woll he gedoft was vnd den Cristen gelouenn hedde angenamen fell he dar doch wedder aff, he hadde by sick einen bischop gehetenn Osmundus achephal (Dat is sunder houet) de hadde jm closter tho Bremen jn de schole gegann, dar was he woll ge holdenn, de he doch alle vorgethen hadde, vnd toch na rome vme Ertze bischop tho werde jn Swedenn, welckes ome de pawest weigerde, do toch he vnd quam bi einen Ertzebischop tho szolouie, de weide eine tho ene Ertze bischop jn Sweden, do albertus dat tho wethen wordt, dat osmundus einn crusze vor sick dregenn ledt, gelick einen Ertszebischope, do sande he sine legathenn dar henn, dar was manck adalwardus dom decken tho bremenn, de warth jn sweden 27

gekarenn tho enenn bischope midt anderen canoni kenn jn der tidt starff Keiser Daniel[?] do wordt ene kerll sin mit, tho ene Koninck ge konenn jn Swedenn, de was en Cristenn

Anno 1052 vnd van der tidt an, so wardt de kercke tho bremenn ser vor drucket, wente albertus was in des Rickes sackenn ser vnleddich, na dem, dat dat ricke do der tidt eine keiserinnen midt einem klenenn sone hadde, auerst de fursten wolden der frowenn vnd kindt nicht gehorsam synn, sunder krigedenn vnder sick, vnd wolden tho lest orenn koning affsetten midt gewaldt, doch worden sze tho lest midt stride wedder tho sate gebracht, do worden albertus vnd anno dutschenn tho Collen Radtgeuers ge Macket thom ricke, vnd jn oren rade stundt dat gansze ricke

Anno 1058 do auer ginck koning her aldus jn norwegenn, jn bosheit alle tiranne he vorstorde jn norwegenn vele kerckenn vnd ledt vele cristenn dodenn, de offer vnd schatte de tho sines broders graue werenn gegeuenn, de gaff he sine Ridderschop, dar vmme straffede ene albertus vnd sende tho eme sine legatenn midt breuenn vnd vor Mande ene sundergen dar tho, dat he de offer nicht en moste kerenn jn der legenn proffidt, vnd ock so beschuldigede he ene vmb de bisschope de jn engelandt vnd welsch landt werenn geweidt, de van des pawestes wegen, midt rechte alberto den Bischope tho Bremen, haddenn geborth tho wiende, tho den legathenn warth de koning tornich, vnd vor smadede sze, vnd hete se van sick gan vnd szede, he kende den Ertsze bischop nicht

23

de jenige macht jn norwegenn hadde, den he allene, dat clagede, albertus den paweste schriftlick Do sende de pawest Alexander, erſtlick sine breue, tho deme suluenn koninge vnd gebort eme, dat he vnd sin bischop, den ertzebischop alberto vicario des stols tho Rome scholden vnderdanich syn, de breff ludeth alszo Alexander, Bischop, knecht der knechte gottes deme koninge vann dememarck grodt, vnd pauestlicke benedigenge, dewile gy noch vn wethen groff jm leuen sin vnd hincket jn der kercklicken ere vnd lere, So is van noden, dat wy, deme dat Regimente der kerckenn is beualenn, midt godtliker vorma ninge jn vackenn visiteren auerst dewile wy vme des langen weges willenn dat sulue nicht donde konnen So wetedt, dat wy dat alberto dem Ertsze bischop tho Bremenn, vnsem vicario altomale fullen kamenlick beualenn hebben, So heft vns de Ergeno mpte Erwerdige Bischop vnse legate, jn sinenn breuenn geclageth, dat juwe Bischope jn juwenn lande nicht sindt gewieth, edder wedder de Romeschen preuelegenn, Midt gelde jn engelandt offte jtalien boslick gewieth sindt, dar vmme wy jn manen van autoriteten S. peters vnd paweles, so gy deme stole tho Rome vnderdanige Reuerentie plichtich sin tho bewiszende Alszo doeth, vnd bewiseth vnsenn Erwerdige vicario, den Ertszebischoppe tho Bremenn de vnser macht dar jnne brucket, plichtige vnderdanigheit Datum 2

Do he dith jn norwegenn vme gedreuenn hadde midt grotem arbeide, do began he sick wedder tho beffruchtende, midt den he tho foren vortornedt hadde vmme sine Modderenn, de he tho en wyffe hadde, wente he wuste woll wen he den koninck tho frunde hadde

23

so macht he dem dingeliglickenn radenn, Dorna so quam he tho Sleswick, dar he vnbekandt was, vnde de frunde sick mit werschopen vnd mit gauenn, mit dem homodigen koninge //

Dar na so makede de Bischop frede vnder den barbarn vnd werff siner karckenn beste, vnd quam mit frowdenn wedder tho hus, vnd radde dem keiszer dat he ewige frundtschop scholde makenn, mit dem koninge vann dennemarken, dar de kercke tho Bremen grodt gewin aff hadde,

Do was auer der elue vnd in wendtlandt de kercke in grothen flor, wenthe Gotschalch was ein mechtich her, vnd hadde des koninges dochter van dennemarck tho echte genamen, de beduanck de wenden alszo, dat sze eme tribudt vnd tinsze mosten geuenn, vnd fruchteden eine alszo einen koninck, welcker nichtes begerde, den frede vnd enicheit, disse Gotschalch was ein godtfru chich man, vnd plach vacken vnd vele tho hamborch tho kamende, dar he sin offer brochte, he was ock des Ertzebischopes albert grot frundt, in ganszen wen lande, was nen mechtiger forste, de den cristen gelouen mer lauede alsze he

Dar vmme werenn alle lude tho hamborch vnd aldenborch gude Cristenn, dewile dat Gotschalch leuede, do wordenn, ock vele closter gestifftedt, vann framen luden in den sande, alszo vann monckenn vnd Closter frowenn, hir froude sick de Bischop albertus ser vnd, vnd sande Bischope vnd presters tho godtschalke de dat grawe volck jn gelouenn lerenn vnd weide tho aldenborch na abelinus dode, isone denn Monck tho einen Bischop, vnd Johanne den Schotten tho meckelenborch, vnd aristonem de van jeruszalem quam tho Raceborch. Ebertus was de vnd mechtich in Ricke, dewile he den keiser vnd paweste gnedich tho sick hadde, so bruckede he in allen drenn Rickenn, als

24

dennemarckenn Sweden vnd Norwegenn des pawestes macht vnd bruckede dar tho, de en eines patriangenn vnd mackede jn sinen stiffte wol 12 bischopdome Anno 1062 do starff hertoch Berendt van Sassenn, de van den tiden libentus des oldenn, wol 40 jar, der wenden vnd der Sassenn Regimenthe Menlick vorde, adolphus vnd hermannus sine kinder, deledenn ore arue vnder sick, alszo dat adolphus offte ordolpus Sassenn, vnd hermann wendtlandt behelt, disse beidenn dachten des oldenn hates, de er vader hadde jegen der kerckenn tho Bre menn, als he jm leuende noch was. Alszo began ordolpe midt ener rustinge, dat stiffte tho Bremen tho vor derwenn jn freslandt, vnd ledt ludenn de ogen vth breckenn, vnd de badenn de me tho eine sende, de ledt he dodenn, Dat klagede de Ertzebischop tho haue, auerst he worth dar auer belachgeth, vnd de wile he ge handt worth vann den hertogenn, vnd eren kinderen so kosz he hermen, ordolphus broder, tho einen richter, vp dat he de 2 broder mochte van ander schedenn Do toch albertus midt dem keiser jn vngerenn als en forste der Ridderschop, vnd de keiser beuoll anno dem ertze bischop tho Collenn de sacke des Rickes, Do he schal monen den vor dreuenn koninck van vngerenn wedder jn sin Ricke hadde gesettedt den sine egen vndersathen vor dreuenn haddenn, Do quam albertus midt vele nenn wedder, Midt deme keiser vth vngerenn, der wile hadde hertoch hermen der grothenn woldath de eine albert ge daenn hadde, worth albert figendt, vnd quam gerustet vor Bremenn, dar he vorstorde wath he vandt, doch schonde he der kerckenn, he werp alle slote nedder, de alber tus veler wegenn gebuweth hadde, de wile den albertus primas was jn des keiszers haue, vnd dem keiser dat ge klageth hadde, do warth hermann na ordell des keiszers vordreuenn, Auerst do dat jar vmme was do bewisede eine de keiser gnade, vnd absoluerde eine ·//: Jn dissem jare worth de erste kercke jm amerlande gestichtedt//

24

Dar na quemenn ordolphus vnd hermannus, full tho donde, der kerckenn tho Bremenn vor den schaden vnd geuenn der kerckenn · 50 · houe, alszo hadde de krich einenn ende Do entfarmede dem keiser de vorderffnisse der kerckenn tho Bremenn, vnd sande dar tho hulpe, 100 mantell / 3 gulden kelcke van 10 pundt goldes, sulueren cresem radt / sulueren vor gulden schildt, 9 konincklicke ruggelackenn smyde, salter midt gulden bockstauenn geschreuen, Sulueren luchterenn 35 caselenn 30 Cappenn 24 dalmateken 1 xleuarin, welckes tafele hadde 9 pundt goldes vnd andere vele klenade Do worden de closter laures vnd Coruei der kerckenn tho Bremenn vnder dane, Do warth ock de lesemen der kerckenn tho Bremenn, de 700 houe hadde, genenn dar albertus vele vmme gearbeidet hadde

I Ock sadt ock dat landt tho hadelenn, dar he der keiser ruenn Angethenn · 900 · pundt goldes vor gaff Ock mackede he, dat alle de rechte vnd jurisdictien, de furste hermannus jn stichte, quemenn alle tho dem stichte vnd der kerckenn tho Bremenn Ock krech albertus de Graueschop Fuuelgo jn freszlandt vann dem Keiser, de hertoch Gotfridus tho voren, vnd engelbertus, do thor tidt hadde, vnd men secht, dat de renthe dar aff were, des jars 1000 · pundt suluers, der egbertus betalede, 200, de was en ridder der kerckenn De graueschop be heldt albertus · 10 · jar · beth so lange dat he vor doruenn wardt, de ander Graueschop was vdonis de lach all dat sticht dorch stroweth, vnd meist bider Elue, dar enen albertus des jars vor gaff